අපි "අමා දම් සර" කරලා අවුරුද්දක් විතර ගියා. ඊලගට මොකද්ද කරන්නේ කියලා කල්පනා කරහම කල්පි ට ඕනේ උනා කරාපිටිය පිළිකා රෝහලට ට අධාරයක් කරන්න. අපි ඉතින් කලින් වගේ මුළු batch එකටම කියලා වැඩේ කරන්න ගියේ නැහැ. ළග ළග අයට කිව්වා. අනිත් අයට messages දැම්මා. ගොඩක් අය කැමති උනා උදව් කරන්න.වරුණිකාගේ අම්මා නැති උනෙත් පිළිකාවක් එකක් නිසා එයාටත් ඕනේ වෙලා තිව්නේ පිළිකා රෝහලට මොනවා හරි අධාරයක් කරන්න.
ඉතින් අපි කරාපිටිය පිළිකා රෝහලේ විශේෂඥ වෛද්‍යතුමත් ( උපුල් ඒකනායක ) එක්ක කතා කරා. එතුමා අපේ අදහස ගැන සතුටු වෙලා අපිට උදව් කරන්න කැමති උනා. ඉතින් අපිට දැනගන්න ලැබුණා කරාපිටිය පිළිකා සරණ සංගමය ට අඩු පාඩු වෙලා තියෙන ශල්‍ය උපකරණ බෙහෙත් සහ වෙනත් උපකරණ ගැන.
කරාපිටිය පිළිකා සරණ සංගමය ගැන කිව්වොත් කරාපිටිය පිළිකා රෝහලෙන් ප්‍රතිකාර අරන් ඒත් දුර නිසා හරි සල්ලි නැති කම නිසා හරි වේදනාව වැඩි නිසා බෙහෙත් ගන්න එන්න බැරි එක් තැන් වෙලා ඉන්න රෝගීන්ගේ ගෙදරට වෛද්‍ය කණ්ඩායමක් ගිහිල්ලා ඒ රෝගියාව සෝදලා පිරිසිදු කරලා, ඉන්න තැන සකස් කරලා, තුවාල වලට බෙහෙත් දාල, අවශ්‍ය සියලුම දේ කරලා ගතට සහනයක් දීලා අන්තිමට පිරිත් කියලා සිතටත් සහනයක් දෙන වැඩසටහනක්. ඉතින් මේ පුණ්‍ය කර්මයට ස්ව කැමත්මෙන්ම ඉදිරිපත් වෙන පිං කැමති පිරිසක් එකතු වෙලා හදාගත්තු සංවිධානයක් තමයි පිළිකා සරණ සංගමය කියන්නේ. ඉතින් ඒකට අවශ්‍ය උපකරණ බෙහෙත් තමයි, අපිට පුළුවන් නම් අරන් දෙන්න කියලා වෛද්‍යතුමා කිව්වේ.
ඉතින් අපි හැමෝගෙන්ම සල්ලි එකතු කරලා දවසක් දාගෙන බඩු ගන්න ගියා. එදා අපිට ගොඩක් උදව් කරේ වෛද්‍ය ශිෂ්‍යාවක් වන අපේ ඉසංකා. එයා ගන්න ඕනේ බඩු ලයිස්තුව අනුව බඩු ටික හරිද බලලා තව ගන්න ඕනේ දේවල් කිව්වා. ඉතින් ඔක්කොම බඩු ටික අරන් ත්‍රී වීල් එකක දාගෙන වරුණිකාලගේ ගෙදරින් ගිහින් තිව්වා.
අපිට මේ අධාර දෙන්න පිළිකා සරණ සංගමයේ මහා සභා රැස්වීමට උපුල් ඒකනායක වෛද්‍යතුමා ආරාධනා කරලා තිබුණා. ඉතින් එදා හවස එකට විතර අපි ටික දෙනෙක් ඒ රැස්වීමට සහභාගී වෙලා ආධාර ටික භාර දෙන්න කරාපිටිය පිළිකා රෝහලට ගියා.
 |  |
ඒ රැස්වීමට ඇවිත් හිටියා උපුල් ඒකනායක වෛද්‍යතුමාගේ කල්‍යාණ මිත්‍ර, මහරගම පිළිකා රෝහලේ සමාධි රාජපක්ෂ වෛද්‍යතුමා. එතනදී අපිට අහන්න ලැබුණා මේ පිළිකා සරණ සංගමය ආරම්භ වුන හැටි ඒ සංගමයෙන් කරපු වැඩසටහන්, දැනට කරගෙන යන වැඩසටහන් වගේ ගොඩක් විස්තර.
හිතට හොදටම වැදුනු දෙයක් තමයි ලෙඩ වෙලා ඉන්න හාමුදුරුවන්ට කරපු උපස්ථාන. ඒ වගේම හැම මාසෙකම ඉරිදා දවසක පිළිකා රෝගීන්ට කරන උපස්ථාන. මේ සංගමයේ තේමාව තමයි "ගිලනුන්ට උපස්ථාන කිරීම බුදුන්ට උපස්ථාන කිරීමයි" කියන එක. ඉතින් අපිටත් මේ වගේ පුංචි හරි ආධාරයක් කරන්න පුළුවන් වුන එක ගැන හිතට ලොකු සතුටක් දැනුනා. අපිට එකතු වෙලා තිබුණා රු. 55000 ක් වගේ මුදලක්. ඒ සල්ලි වලින් අපි ගත්තු ශල්‍ය උපකරණ ටිකයි, බෙහෙත් ටිකත් භාර දීලා ඉතුරු මුදල් වලිනුත් අපි ආධාර කරා.
මහා සභා රැස්වීම අවසානයේ වෛද්‍ය සමාධි රාජපක්ෂ විසින් මෙහෙයවපු බෝධි පුජාවක් සංවිධානය කරලා තිව්නා. අපිට එකටත් සහභාගී වෙන්න පුළුවන්කම ලැබුණා. ඉතින් කලින් "අමා දම් සර" කරා වගේම මේකටත් ගොඩක් අය උදව් කරා. එදා ඒ හැමෝටම එන්න පුළුවන් කමක් තිබුනේ නෑ. ඉතින් අපිට වචනෙකින් හරි උදව් කරපු සියලුම දෙනාටම අපි කරගත් සියලු පිං අනුමෝදන් වේවා !
 |  |
පිළිකා සරණ සංගමයට ආධාර කරන්න කැමති නම් වැඩි විස්තර මෙතනින් http://cancercaresl.com/contact-contribute/
No comments:
Post a Comment