Saturday, December 2, 2017

මගේ වරද මිස ඔබට මා පෙම් කල..

හිමි නොවනා බව දැන දැනත්
බොහෝ කාලයක සිට
ඔබට මා පෙම් කලෙමි හදවතින්ම...
මා කෙතරම් පෙම් කලද
ඔබේ හදවත සොයයි වෙනකෙකු නිරතුරුව...
දනිමි මා අසරන බව 
ලෝකයා ඉදිරියේ හඩ නගන්නට
 මෙන්ම කදුලු සලන්නට...
දනිමි මා මිනිස් සිත නිරතුරුව අශාවන්ට ලැදි බව..
ඔබත් මිනිසෙකි ආශාවන්ට ලැදි වන මා මෙන්ම..
නැත ඔබ අත කිසිදු වරදක්..
මගේ වරද මිස ඔබට මා පෙම් කල..

Saturday, May 20, 2017

ටයිරන්ට්ස්...



















































ගාල්ල අනුලා දේවි බාලිකා විද්‍යාලයේ නාට්‍ය හා රංග සිසුවියන් විසින් ඉදිරිපත් කරන ලද නාට්‍යකි.





Saturday, April 1, 2017

යන්න තියෙනවා හෙට ඉස්කෝලේ...

යන්න තියෙනවා හෙට ඉස්කෝලේ...
ඉක්මනට රෑට කාලා,
ඉක්මනටම නිදා ගන්න ඕනේ...
ඒත් නින්ද යයිද දන්නෙත් නෑ...
හෙට පරණ යාළුවො ටික
ඔක්කොම හම්බවෙනවා...
පරණ මිස්ලා ටිකත් ඒවී මං හිතන්නේ..
අවුරුදු 13 ක් ම හිටපු අපේ ගෙදර..
කොච්චර මතක ගස් අස්සේ හැංගිලා ඇති ද...
කරපු කතා, අහපු බැනුම්...
ගොඩාක් හිනා හඩවල්,
තාම බිත්තිවල ලියවිලා ඇති..
පිට්ටනියේ දුවන්න,
පරණ පන්තියේ
ඩෙස් පුටු වල වාඩි වෙන්න...
ආයෙත් කවදාවත් යන්න බැරි
අතීතයේ දවසකට..
එක දවසකට හරි හෙට මම යනවා..
ඔයාලත් එනවා නේද ?

රුක්ෂිකා මදුෂානි




Friday, January 6, 2017

සැදැහ සිතින් සුභ පතන්නෙමි....



ආදරය කලෙමි ඔබේ නිහඩ බවට....
සවන් දුනෙමි ඔබේ නිවුණු අදහස් වලට....
දුටුවෙමි ඔබ කල සුන්දර දේවල්...
උත්සාහ කලෙමි වටහා ගන්නට
ඔබේ සිතුවිලි...
සතුටු වුනෙමි ඔබේ යහගුණ දැක..
සිත් ගත්තේය ඔබේ විනීත බව...
රස වින්දෙමි ඔබේ තාල...
දුරින් ඉඳ රස වින්දෙමි
සිතිජයේ ඉම...
එනමුත්,
නවතාලමි මෙතුවක්
සිතින් බැඳි සෙනෙහස..
සැදැහ සිතින් සුභ පතන්නෙමි...
හෙට දිනයේ
ඔබේ අභිනික්මනට...




( දන්න කියන කෙනෙක්ගේ අත්දැකීමක්... ;) )




Tuesday, January 3, 2017

ආදරය කරන්න පොත් වලට..

කාලෙකට කලින් ලියපු එකක්. හදිස්සියේම හම්බුණා.

ආදරය කරන්න පොත් වලට..
සදහටම හිත රිද්දන්නෙ නෑ කවදාවත්ම
මොහතකට ඇඩෙව්වත් ඒ ජීවිතයට 
ගොඩක් දෙවල් දීලයි.
ලෝකෙ වටේම යන්න පුළුවන්
මහා මන්දිර ඇතුලෙ, 
දුප්පත් පැල් අතරෙ සැරි සරන්න,
සිහින ඇතුලෙ වගේම,
පොළවෙ පය ගහලා ඉන්න 
හැටිහරියට සතුටු වෙන හැටි 
ඉගෙන ගන්න, 
පණ තියෙන කෙනෙක්ට වඩා 
අපිට හිනාවක් දෙන,
කවදාවත්ම අත් ඇරල යන්නෙ නැති 
හැමදාම ඉන්න ප්‍රේමවන්තයෙක්,
කල්‍යාණ මිත්‍රයෙක්..
ආදරය කරන්න පොත් වලට..




Saturday, December 31, 2016

උදා වූ නව වසර,

ගහ, කොළ නිලෙන් දිදුලා 

පලෙන් බරවන...

ඇළ, දොළ, ගංගා නිල් දියෙන් 

පිරී ඉතිරී යන...

නිසි කලට වැසි ලැබී 

කෙත් වතු සරුවන...

බියෙන් තොර වී 

සියළු සතුන් සුවපත් වන...

සියළු මිනිසුන් තුල 

මෙත් සිතුවිලි උතුරන...

නුවණැස ලැබී 

දහම් ඇස පහළවන...

සියළු යහපත් පැතුම් ඉටුවන...

සෞභාග්‍යමත් සුභ නව වසරක් වේවා !